نعت رسول کریم ﷺ

مصنف : اذکار ازہر خان درانی

سلسلہ : نعت

شمارہ : نومبر2019

جو فردوس تصور ہیں وہ منظر یاد آتے ہیں
مدینے کے گلی کوچے برابر یاد آتے ہیں
جو لگتا ہے کوئی کنکر بدن پر دین کی خاطر
تو دل کو وادی طائف کے پتھر یاد آتے ہیں
فضاؤں میں اگر کوئی پرندہ رقص کرتا ہے 
تو آنکھوں کو مدینے کے کبوتر یاد آتے ہیں
مراتب پائے ہیں کیا کیا تیری نسبت سے ذرّو ں نے 
ابوبکرؓ و عمرؓ ، عثمانؓ و حیدرؓ یاد آتے ہیں
اخوت اور ایثار و محبت جن کا شیوہ تھا
وہ عالی ظرف اصحاب پیمبرﷺ یاد آتے ہیں
ؔزمانے کی گراں خوابی کا عالم دیکھ کر ازہر
نبی کے دین کی بیداری کے پیکر یاد آتے ہیں